Главная » Об организации

Беларускае таварыства дружбы и культурнай сувязи з замежными краінамі было створана 7 красавіка 1926 года. Квінтэсенцыяй той вялікай і ганаровай ідэі, што пакладзена ў аснову яго дзейнасці, з’яўляецца папулярызацыя духоўных і культурных здабыткаў беларускага народа, мацаванне мастоў добрасуседства і сяброўства з іншымі народамі свету.
Слышныя прадстаўнікі нацыянальнай інтэлігенцыі – Янка Купала, Якуб Колас, Цішка Гартны, Міхась Чарот, якія стаялі ля вытокаў Беларускага таварыства дружбы, выдатна разумелі, што самы кароткі шлях да паразумення і сяброўства вядзе праз прадстаўленне здабыткаў нацыянальнай культуры. Прасякнутая глыбіннымі традыцыямі, душэўнасцю і мудрасцю народа, адзначаная высокім прафесіяналізмам, яна здаўна непарыўна звязана з сусветнай, і ў першую чаргу – еўрапейскай культурай.
Ужо ў самыя першая гады БелТД былі ўстаноўлены кантакты з такімі вядомымі культурнымі цэнтрамі, як Венская нацыянальная і Нью-Йоркская публічныя бібліятэкі, Парыжскі інстытут славяназнаўства, Рымскі інстытут вывучэння Усходняй Еўропы.
Па запрашэнню Таварыства ў той час Беларусь наведалі індыйскі паэт і філосаф Рабіндранат Тагор, амерыканскія кінаакцёры Мэры Пікфард і дуглас Фербенкс, дэлегацыі грамадскасці Бельгіі, Галандыі, Чэхіі, Фінляндыі. З нашай рэспублікай пачалі актыўна знаёміцца жыхары Аўстрыі, Германіі, францыі, Нарвегіі, Швецыі, Кітая. Такі быў пачатак плённых і шматбаковых міжнародных сувязяў, якія былі перапынены 2-ой сусветнай вайной. У яе полымі, як вядома, загінуў кожны чацвёрты беларус, знішчаны помнікі нацыянальнай гісторыі і культуры. Аднак гэтая вялікая трагедыя, як і шматлікія папярэднія, не взлобілі народ, не пазбавілі яго шчырасці і адкрытасці, не адхінулі ад роднай культуры і мовы, ад імкнення жыцьу ладзе і згодзе з усімі народамі свету.
У пасляваенны перыяд дзейнасць Беларускага таварыства дружбы і культурнай сувязі з замежнымі краінамі набыла новую якасць. Вядомыя ў свеце прадстаўнікі не аднаго пакалення інтэлігенцыі – Ларыса Александроўская, Рагор Шырма, Генадзь Цітовіч, Уладзімір Алоўнікаў, Максім Танк, Пімен Панчанка, Іван Шамякін, Янка Брыль, Васіль Быкаў, Андрэй Макаёнак, Іван Мележ, Анатоль Вярцінскі, Марыя Захарэвіч, Георгій Паплаўскі і многія-многія іншыя прадоўжылі высакародную справу ўзаемапазнання культур і народаў свету. Рабілі і робяць яны гэты ад шчырага сэрца. Іхняя дзейнасць, як і дзейнасць іх маладых паплечнікаў – аснова аўтарытэту самабытнага, вядомага ў свеце грамадскага аб’яднання. Кантакты БелТД і супрацоўніцтва з грамадскімі арганізацыямі больш як 70 краін свету сталі прыкметнай з’явай народнай дыпламатыі як важнага кампанента функцыянавання грамадзянскай супольнасці.
Практыка народнай дыпламатыі сцвярджае, што незалежна ад “тэмпературных ваганняў” у палітыцы, у палітычным замежна-беларускім дыялоге, дыялог чалавечы ніколі не супыняўся. Вынікі гэтай дзейнасці залежаць ад актыўнасці дзеючых асоб і напаўнення іх працы цікавым і запатрабаваным зместам.
У дзейнасці БелТД можна вызначыць наступныя асноўныя праграмы:
1.Пашырэнне прысутнасці беларускай культуры ў сусветнай і знаёмства беларусаў з духоўнай спадчынай іншых народаў;
2.Далучэнне моладзі да культурных традыцый і духоўнага адраджэння, да ўдзелу ў праграмах міжнароднага супрацоўніцтва;
3.Садзейнічанне міжнароднаму рэгіянальнаму ўзаемадзеянню беларускіх гарадоў і рэгіёнаў з замежнымі;
4.Рэалізацыя гуманітарных праграм дапамогі медыцынскім установам рэспублікі медыцынскім абсталяваннем, а таксама арганізацыя дзіцячага аздараўленчага адпачынку праз магчымасці замежных партнерскіх арганізацый.
Ажыццяўляюць гэтыя праграмы 40 таварыстваў дружбы з асобнымі краінамі, якія аб’ядноўваюць каля 1000 актывістаў БелТД. Гэта – таварыствы “Беларусь-Арменія”, “Беларусь-Аўстрыя”, “Беларусь-Балгарыя”, “Беларусь-Бельгія”, “Беларусь-Венесуэла”, “Беларусь-Вялікабрытанія”, “Беларусь-В’етнам”, “Беларусь-Германія”, “Беларусь-ЗША”, “Беларусь-Ізраіль”, “Беларусь-Індыя”, “Беларусь-Іран”, “Беларусь-Ірландыя”, “Беларусь-Іспанія”, “Беларусь-Італія”, “Беларусь-Казахстан”, “Беларусь-Канада”, “Беларусь-Карэя”, “Беларусь-Кітай”, “Беларусь-Кіпр”, “Беларусь-Кыргызстан”, “Беларусь-Куба”, “Беларусь-Латвія”, “Беларусь-Літва”, “Беларусь-Малдова”, “Беларусь-Нарвегія”, “Беларусь-Непал”, “Беларусь-Палесціна”, “Беларусь-Польшча”, “Беларусь-Расія”, “Беларусь-Славакія”, “Беларусь-Сербія”, “Беларусь-Таджыкістан”, “Беларусь-Турцыя”, “Беларусь-Україна”, “Беларусь-Фінляндыя”, “Беларусь-Францыя”, “Беларусь-Чэхія”, “Беларусь-Швейцарыя”, “Беларусь-Японія”
Іх узначальваюць людзі, вядомыя і прызнаныя у беларускай культуры, навуцы і іншых грамадска значных сферах: акадэмікі Паплаўскі Георгій Георгіевіч, Віцязь Петр Аляксандравіч; пісьменнікі і паэты Мятліцкі Мікалай Міхайлавіч, Панізнік Сяргей Сцяпанавіч, Гальперовіч Наум Якаўлевіч, Карлюкевіч Алесь Мікалаевіч, Прыгодзіч Зіновій Кірылавіч, Скарынкін Уладзімір Максімавіч, Бутэвіч Анатоль Іванавіч, Чаргінец Мікалай Іванавіч, Дудараў Аляксей Ануфрыевіч;прафесары Ганчаронак Ігар Іванавіч, Цыхун Генадзь Апанасавіч, Суша Анатоль Мікалаевіч, Шадурскі Віктар Генадзьевіч, Міцкевіч Міхаіл Канстанцінавіч, Манак Мікалай Андрэевіч, Максімовіч Валерый Аляксандравіч, Казаравец Мікалай Уладзіміравіч, Чарота Іван Аляксеевіч; дзяржаўныя дзеячы Святлоў Барыс Уладзіміравіч, Матульскі Раман Сцяпанавіч, Талкачоў Анатоль Васільевіч, Гедройц Валерый Карлавіч, Слабадчук Аляксандр Іванавіч і інш.
Найбольшым попытам сёння карыстаюцца такія праекты БелТД, як клуб “Юны дыпламат”, цыклы мерапрыемстваў “Беларуска-польскае сумоўе”, “Шэдэўры нямецкай літаратуры”, “Пазнаём Карэю разам”.